KOTE KARERE O NUI TIRENI.
[Na te Kawana i mea kia taia]

No. 11] AKARANA, HATAREI OKOTOPA 1, 1842 o Ota I.

  I taku wakahenga i te Nuipepa o
Hune,  ki nga tangata maori e hari
hari paruma ana, e haerere noa i te
Taone, te meatanga mai,  me pehea ki
te tahi mea ma matou?   i mea ahau, 
ka korero atu au ki a koutou ki te tahi
nuipepa te peheatanga e wai taonga
ai koutou, me te mau ano ki to te
rangatira tu; koia tenei ka korero
nei. Na, ki taku,  mehemea e mea
ana tatou kia wai taonga,  me te mau
ano ki to te rangatira tu,  me tango
rawa ano ki ta te pukapuka e mea
ana  ÒE ono nga ra e mahi ai koe,Ó 
a tenei ano te tahi.    ÒAua e mangere
ki te mahi, kia toa te wairua e rongo
ki te ArikiÓ  penei e rite ana i a tatou
enei mea,  ka hua a tatou mea ki runga
ki to te rangatira tu:  E kite ana
koutou, ko te mea ia ai te taonga
ma te pakeha, he mahi ki ta koutou,
e noho mangere ana a Kawana ratou
wakarangatira na, e kore hoki ratou
e noho mangere, ahakoa kahore
ratou i nga ki te oneone, kahore i
kitea e harihari papa ana, he mahi
ano ta ratou tenei rangi, i tena

rangi, e kore hoki e pena me koutou,
kotahi te rangi i mahi ai, karua i noho
noa iho ai.  Na, kei aua ra i noho  
noa iho ai koutou, ka haerere kei nga
watitoka o nga pakeha kai mahi nene
ai, nana ai, na te tutua anake ki taku
ano tenei mahi, e toru nga mea i kore
ai te hua, he mea ma koutou.  Na te
mangere tetahi ko tetahi te rukeruke,
he whakai tetahi ko te mangere te
tangata nana koutou i wakatiki ki te
taonga nana koutou i kohuru.  E
wakaora ana koutou i a ia?  ko ia te
kohuru ana i a koutou e kore koutou
e wakaora, he maumauranga moni
nga ra i noho noa ai te tangata, me
i mahi hoki kua wiwi ia ki te tahi
moni a ana ko ta ahua ano hoki,
mehemea e mahi ana i tana mahi e
hua ake ana he mea mana penei e
tatau ana tatou i nga ra i maumauria i
te tau kotahi e hia ra nei pauna
moni i maumauria?  Kahore koki i
homai e te Atua nga ra kia 
maumauria e tatou ki te noho noa ki te
matakitaki;  E kore au e mea kia poto
katoa nga ra hei mahi ma te pakeha,