TE WHETU O TE TAU.
Haere mai e aku potiki, kawea mai te taonga
kawea mai kiuta, kawea mai ki Waikato, kawea
kia kite nga iwi. Haere mai e Hare Reweti,
haere mai ki Waikato, haere mai ki to iwi; kawea
mai te tika; kawea mai te marama. Haere mai kiuta
haere mai te pai.
Ka tu ko Hare Reweti; — "Karangatia e taku
•tamaiti karangatia. He tika ano kia tangi mai nga
manu o tai ki nga manu o uta; he tika kia rere te
waimaori ki te waitai. Ko Maramarua ano toku
kaha, e whakaae ana au ki ta te iwi.
" Hore te tukituki te tahu o taku
A te whakama ra e tahu nei a
Ku kamo aku rongo au raki
Te makau a Torengi taku rawhi
Nga mai te ngu i tona ihu e pono
Tikanga kia hoe i runga ra ngonge
Kei te here te hipi ra i a Rewi
Nuku mai ki ahau he whakahau
Ka pakaru ka wehe taku kiri
Ho tunga ka ana mai nau e Hare
Pata ki tahau tikanga hore ko a
Ku mahi ka tuia e te ngutu te ao
O ta ko runga ka pehi ki
Te tonga wai roro tu ana te ngaru
Ki kai waka rite i te tinana ka wai rori ianei."
No te mutunga o te waiata ka haere ki te karakia.
Moe iho ao ake ka kareretia mai matou e nga
rangatira o Paetai. No taua ra ano ka haere matou,
no te tatanga ki nga paenga kainga ka pa te karanga:
Haere mai e te manuwhiri tuarangi
Na taku potiki koe i tiki atu ki
To taha tu o to rangi kukume mai ai—
Haere mai!—
No to matou taonga atu ki te nohoanga ka tu nga
rangatira ki te ruru, me to ratou Pakeha me Amutiti 
E tare ana nga kara a Kuini, e pao ana te mano
Noho kau ano matou kei runga ko Te Wharepu:—
Haere mai, haere mai e Hare Reweti te matua o nga
iwi; haere mai kiuta, haere mai ki Waikato kawea
mai te maramatanga Kawea mai to ora haere mai. E
te matua o nga iwi, kahore he whakaaro ke atu; koia
ano tena; kei i a koe te whakaaro o te iwi. Haere
mai iana kia kite i to iwi, takahia mai i Hauraki
kawea mai te pai.
Kei runga ko Hare Reweti:-Karangatia e taku
tamaiti e Te Wharepu, karangatia. Tenei te haere
nei. He haere aha ta te mokai? He whakarite kau
tenei i te kupu o te iwi, kia mihi ki nga owha o nga
tupuna i waiho iho. E ki te tangata ki a koe, te mea
ra meatia, he teka rawa koe nei. Waiho atu ki a ia
ona he; ko koe e taku tamaiti hei pai anake ano mou.
titiro ki te rangi e heke mai ana i reira te tomairangi
ki tenei otaota, ki tenei otaota; koia hoki ko tenei, ko
te matua mo taua kei runga. E taku tamaiti—to taua
matua, kia u te pupuri, ahu whakarunga te titiro.
ehara i te ara pungawerewere i piki ai a Tawhaki
engari kua maro to taua ara i a te Karaiti.
Kei runga ko Waikato:-Haere mai te matua o te
maramatanga, haere mai e Hare Reweti, ki Waikato
haere mai te whetu marama o te ata. Haere mai; ka
nga to haere mai kia kite koe i nga iwi. Haere mai
ki Taupiri haere mai ki Pirongia ka ora tenei,
ka kite atu na matou i a koe. Haere atu he
iwi, haere atu he iwi, kawea to tika, a —— te
ngutu ra ano o te manu. [Ko te waiata pai a Waikato
kihai i mohiotia kihai i tuhituhia
Kei runga ko Hare Reweti —Karanga mai o taku
tamaiti, karanga mai ana. Ki au ano e taku tamaiti
ne kupapa noa iho, ka po, he tangata aha te haua. E
ki ana koe me haere au, a,-te ngutu ra ano o te manu.
He whakaaetanga tenei naku ki to kupu Ko aku
koiwi tenei kua oti te pupu, kua kawea mai ki a koe.
E taea teaha?-Kua eke tenei kei runga kei o turi.
E taku tamaiti ko te tika kei runga; ko te taonga nui
ano tena ko te kupu o to matua i te rangi.
E wero e te tonga wero tonu ki te kiri
Katahi te mamae kaata rangona iho
Ngau kinikini ana ki taku tinana nei











Na Tiki ra e nana i hahau
roa te taha tika i kawea mai ai
Nga rae ka wero o Taupo i waho
E peka kauta ra kiata tirohia
He tuhinga pukapuka nau o Patene
i Ka ai ha tutara ina te rau e pae"
Ka mene ki awhea ko au tonu ano
Te hara taua nei ki to poti o te ngutu
Hui rua o te iwi te rongo whai makau
Naku i kawe atu te whare i a Te Rau
E hira taku rongo te rongo haere mai
I a Po i uta e angi ana mai
Kaiana ki te tihi o Taupiri i runga
Mei tata ki te mate ka koraweke au
Ka itiitiano aku rangi ki te ao
Ka huri nei au ki taku moenga ia.
Ka mutu te waiata a Hare Reweti ka tonoa ki te
whare ka tukua ta kai. Muri ihowa tonoa matou e Te
Wharepu kia haere kia kite i a Te Kihiringi Te Kanawa
Tae atu ka korero a Te Wharepu, a Karaka Te Tani-
wha me ara atu rangatira. Kei runga ko Te Kihi-
ringi;—Haere mai e Hare Reweti, haere mai ki Wai-
kato, haere mai ki Kawhia, haere mai kiuta eto matou
matua. Kawea mai te tika ki o tamariki. E pa e
Hare Reweti, ko te tikanga tena kei i a koe
Ka whakahua te waiata, kaore i matauria.
Koi runga ko Hare Reweti:—Ae e taku papa, ae,
karangatia. He tangata aha ia i karangatia ai o koe.
Me pewhea koa ianei i te aroha ki te iwi;' Kahore ho
tikanga ke atu, kuia ano tena. E ki ana au ko te tika
tenei. E ai ana tika i tenei hanga i to pakanga?—E
taea taeha ua taku papa
Tera nga rae rehurehu ana mai e
Kakarauri e ki Rewatemura e
Kore e kitea atu i te korehutanga e
I te ahi whakapo ki Waikato raia e
Taua to pai kei tawhiti rawa, i.
I te aonga ake o te ra ka tu te whakawa mo Rangi*
riri, haere ake ana te Ngaungau ki Rangiriri; a,
aratakina ana e Ngatimahuta ki runga ki te toropuke,
e tu ana nga kara, e pae ana te Kaimatakitaki. Tenei
nga korero o taua whakawakanga nui.
Rangiriri, Maehe 26, 1858.
Ko nga korero o te whakawakanga o Kumukumu.
Ka rupeke ki te nohoanga, ka whakatika a Maneha
Te Rotorua ka mea; ki a Kihi, "Haere mai e taku matua,
haere mai, ta te mea, nau te take o te he. Ko tenei
ki a koe te whenua." Ka mutu ta Maneha. Kei
runga ko Waata Kukutai ka mea, "Kahore he kai
korero i naianei, ko au anake. Whakarongo mai e
aku matua, ko te tamaiti nei tenei, kua whanau hu
tamaroa; kua tupu nga niho, kua kai i te kai. Na
te Wairua Tapu pea tenei tamaiti; titiro hoki, kua
haere tu." Ka patai a Waata ki a Wiremu Te
Kumete, ka mea "E Wi, ki awai te tamaiti nei?"
Ka ki atu a Wiremu "Ki a komako Kihi." Ka mea
atu a Waata, "E aku matua ko te tamaiti nei tenei e
hikitia atu nei e au Na, i naianei, ki a koutou te
tamaiti nei; kia pai te atawhai, ta, te mea, he kauma-
tua koutou, Ko te tamaiti nei, me oti atu ki a kou-
tou." Ka mutu a Waata. Kei runga ko Te Kau,
ka haere tuohu, ka mea. "Ehara au i te Kai whakawa
kia kia te mai, kahore ano i tika noa taku tuara, no
te toru o aku haerenga ka tika taku tuara, ka tu nei
au ki runga. Ko tenei e taku potiki, ki a koe ano te
whenua." Ka mutu. a Te Kau. Kei runga ko Wai-
kato,' ka mea "Kaua e whakaroaina te korero, ka
pahoahoa nga matenga i te ngaunga o to ra. Ka ora
au, rara! ka ora au, ka ora au! Ko tenei tamaiti ka
hemo i te kai, kahore aku waiu, engari me whakahoki
ki tona whaea, kei taetae nga u o te whaea, ka mate."
Ka mea ano a Waikato, "E Kihi, tangaengaetia to
mokopuna." Ka tahuri a Waikato ki a Maneha, ka
mea, "E toma ki a koe ano te tamaiti nei. Kei pa te
he ki tenei tamaiti, ako, ake Amene." Ka mutu.
Kei runga ko Kihi, ka mea, "E mea ma, e whakaae
tika ana ra nei te tangata nei kia - taku moko-
puna;'"' Ka oho -ake'"Ae." Ka patai ano. a Kihi,