source: gs3-installations/test-suite/trunk/sites/test-suite/collect/testing-filelevel-docver/import/10/text/10_1_1_4.txt@ 37175

TE WHETU O TE TAU.

"Koia e whakaae tika ana kia tangaengaetia taku moko-
puna?" Ka karanga ake"Ae." Ka patai ano a Kihi, "Me
iriiri e au taku mokopuna,—ne?" Ka oho katoa "Ae."

Ka tu a Kihi i konei ka tuhi, ka tangaengae i te tamai-
ti, ka tu ta tuahu ka whakahua i ana karakia, ana
waiata:—

E tama kimihanga rau na te tini
Tikina kahauria ki tawhiti i pu
I tupu mai ai te ewa te muru
Ka kukune & 
Ka whakahua ano i tetahi:—
Homai, homai taku tamaiti
Kia hikihiki au ki runga
I aku turi, aue' ka mate au nei
1 te whakataute 

Ka mutu a Kihi, kei runga ko To Kereihi ka mea,
"Heoi ano. Ka ora au i te pikitanga, haere tonu ake
te wai ora i raro i taku waitohi mauri, ka ora au.
"Tera te whetu takina mai o te ruru

Ko taku tau pea tenei ka hoki mai e 1.

Ki mai ki au kia hokona koe ki

Toroa whakaura kai o tuakana

Hei hoko akahu waero moho ki to uru e i

Wetewete mai ra taku komutu karamea

Nonutuai te tonga ma rau rangi e

Haramai mana e homai horahia

Mai taku taonga kia rahiri au e.
Ka mutu a te Kereihi

Na ko te hiri nei tenei; ko te kawanata nei tenei;

ko te oati nei tenei- Na To Kau, na Waikato na Te
Kihiringi tenei hiri o to tika. Ekore matou e pai kia
wahia ake ake amene noa, ahakoa raruraru noa i muri
iho, ekore rawa e pai kia wahia, no te mea he tikanga
pai tenei, he tikanga whakaora tangata,

(Tera atu ano te hiku o tenei korero.)

TE HAHI O TE KARAITI ME ONA MANGANGATANGA

He tokomaha nga rangatira. Maori kua ki mai ki au
kia taia ki te nupepa, nga ingoa o nga Hahi i roto i te
Pakeha. He whakaaetanga tenei ki. to tatou kupu.
Na, kei poauau te whakaaro o nga iwi Maori ki te tika-

nga o enei tini Hahi e tuahae nei, e ngangau nei ki a
ratou ano; ehara i te mea i ahu mai i te Atua; a, ko
te whakamangangatanga  o te Hahi o te Karaiti kihai
i ritea mai i a ia, inahoki te kupu o tona pononga o
Paora e mea nei—"Ko taku korero tenei; o mea ana
koutou, No Paora ahau; ko ahau no A? oro; no Kipa
ahau; ko ahau no te Karaiti; Kua oti koia a te
Karaiti te wehewehe? i ripekatia ra nei a Paora mo
koutou? i mina ra nei koutou ki te ingoa o Paora?"
—1. Koroiti i—12, 13.

Waihoki," ko te whakarangatiratanga o nga minita
o nga Hahi i a ratou ano, kihai i ahu mai i to Atua:

engari, no te kikokiko tera ritenga, no te rewera hoki.
Tenei te kupu, "Ko koe ia o te tama o te Atua, oma
atu i enei; a, whaia te tika, te karakia pai, te whaka-
pono, te aroha, ta manawanui, te ngakau marie."—
1. Timoti vi—11.
Ko nga ingoa o etahi o nga Hahi koia enei:—

1. Nga Hapariana 18. Nga Inipenara  

2. Nga Materiarite 19. Nga Paraonihi

3. Nga Karawinihi  20. Nga Papita

4. Nga Aminiana 21. Nga Kueka

5. Nga Paketenana 22. Nga Morewiana

6. Nga Nehitoriana 23 Nga Weteriana Meterika

7. Te Hahi Kirika 

8. Te Hahi Pikopo 24. Nga Mohorika Niu

9. Nga Ruteriana 25. Nga Meterika Pirimita

10. Nga Hakaenota 26 Nga Hamipa

11. Te Hahi o Ingarangi 27. Nga Hapateriana

12. Nga Nonihuro 28. Nga Hutihoniana

13. Nga Tihoneta 29. Nga Tungikora

14. To Hahi o Katarangi 30. Nga Weronipohiana

15. Te Hainora Rihama 31. Nga Iwingaiti

16. Nga Hihira 32. Te Hahi Katorika Heamani-

17. Te Hainora Riwhi









 

[Ko enei e kitea nuitia ana; tera atu ano etahi.
Ahakoa he tini ke enei Hahi, kihai i takina paitia te
whakapono; e tupu nui ana te taru i roto i te witi.]

KO TE HAHI O TE KARAITI Me Ona MANGANGATANGA

UPOKO I,

Ko te take o te Hahi tapu puta noa i te ao, ko Ihu
Karaiti te tama a te Atua. I te takiwa i whakaritea ai

e te Atua, i te mangai o ana Poropiti, ka puta a Ihu'
te Ariki ki tenei ao. Tenei ano te kupu:—"Otira, ka
tino rite nga wa, ka tonoa mai e te Atua tona tamaiti
i meatia e te wahine, i meatia i raro i te ture." iv—4.

I mahi ano a to Karaiti, i te tamarikitanga ai, i nga
tikanga o tona matua i te rangi, inahoki, mo te 12 o
ona tau, i rokohanga, e tona whaea, e Meri, i roto i te
temepara o te Atua e patai ana ki nga kaumatua o nga
Hurai, Pukai!—46. Otira, no te 30 o nga tau o te
Ariki ki tenei ao, ka timata 

tana mahi kauwhau haere.

Etoru nga tau o to Karaiti i rui haere ai i ana tika-
nga whakaora tangata, ki whakawatea e nga Hurai ki
Hiruharama Ko te tangata i whakaae ia ai ta reo i

nga Hurai kia ripekatia a Ihu, ko Ponana Pirata, he
Kawana ia no Huna, na Roma i whakanoho ki reira i
te tau o te Ariki 27. E rua nga iwi i tino whakaao
kia mate a te Karaiti, ko nga Hurai, ko Roma. Ko
te tangata nana noi a te Karaiti i hoko, ko Hura, 
Hurai; ko to tangata nana nei i whakaae kia kohu-
ruhia) ko Parate, no Roma. Ko tenei hunga tokorua,
ehara i to ringa tangata i mate ai; a, kihai raua i.
mate kongenge, engari, na o raua ringa ake raua i patu.
Ko Hura he mea tarona e ia ano ki Huna; ko Pirata,
he mea wero ki to hoari, e ia ano, ki Rawhiti, i Parani,

te whenua o nga Wiwi; no Romi ia taua whenua i
tera takiwa.

E 33 o nga tau o te Karaiti 3 hoki marama ka mate
ia No te aranga i to mate, ka noho i te ao, ka whaka-
kitekite ia ki ona akonga i nga ra 40. No te 6 o nga ra
o Mei, i to Taite, ka arahina nga akonga, e te Karaiti,
ki Maunga Oriwa; a, ka mutu tana mihi ki a ratou,
me tana whakapai, "ka tangohia atu ia, a, na te kapua
ia i whakangaro i o ratou kanohi."—Nga Mahi i—9
Otira, kake rawa ako a Ihu ki te rangi, ki te noho i
to ringaringa matau o tona matua kua waiho tika o ia
nga ritenga o te whakapono ki ona akonga. Whaka-
rongo ki te kupu o to Ariki:—"Ko to mana katoa i to
rangi, i te whenua, ka oti te tuku mai ki au. Mo
konei ra, Haere koutou, akona nga tauiwi katoa,
ratou ki te ingoa o to Matua, o te Tamaiti, o to Wairua
Tapu: Akona ratou kia rongo ki nga mea katoa i
korerotia e ahau ki a koutou: a. e noho ana i a
koutou i nga ra katoa, taea noatia te -
—Matiu xxviii -18, 19, 20.

NGA RONGO O TAWHITI.

Kua manu ki te moana to tima nui o Ingarangi  
te roa 692 putu, ko to raununui  83 putu.

Whano mate a Ponupata te kohuru, no Roma nga
tangata i whakangakau nei ki te kohura i a ia.

Kua oti to whakawa te Kingi o Inia, kua wairua e te
Ingarihi ki te motutere noho ai.

Ko nga moni o tetahi peke i riro i te korero tini-
hanga o tetahi keia,—, £ •20, 000.

Ko te pakanga a Haina raua ko Ingarangi kahore
ano i oti noa, kotahi pa nui o Haina kua horo.

Kua tao mai nga nupepa whakaatu o te hurihanga
ru ki Nepara, haere ake nga taumata i mate, 30, 000;

haere ake nga whare i hinga 50, 000.

Ko nga tangata o Inia,—te whenua e whawhai mai
nei ki Ingarangi—60; 000, 000.

I taia tenei e Piripi Kuaha, ki Akarana.