rawatia ake kei ngaro te tahi tuhituhia
iho ki te pukapuka, e haria mai taua
pukapuka kia matou ma matou ekorero
atu ki te kai whakarite ture, kia ho mai
e ia te utu e tika ana.
Ko te tikanga pai tenei o te ture
tena ko ta ratou e mea ana no matou
enei mea kua paea hoki ki
to matou kainga a na matou i ora
ai he tikanga kohuru. A, ko ratou
e kai pono ana i nga mea o te kaipuke
pakaru i tere noa ki uta, kahore ano
i taria e ratou rite tonu ta ratou
tikanga ki te tahae.

E korerotia ana, tenei nga iwi ka
whakapoto ki Remuera ko nga
rangatira katoa o Waikato, o hea o
hea te haere mai, E pai ana matou
kia huihui mai ratou otiia kotahi
ano ta matou kupu, ki nga tangata
katoa, aua koutou huihui mai me
te ritenga maori kahore huihuia mai 
mea te ritenga rangatira ano, ko nga
pu nga aha waiho atu a ko te hari,
me era ritenga tutu, katoa,
whakarerea, kia kitea e nga pakeha katoa,
e whakatupu tangata ana koutou.

(Ki te kai tuhituhi o te Karere o Nui Tireni)

Nowema 16, 1843.
E MARA-Kua titiro ahau ki te
mahi a te hunga maori i roto i te
ware karakia, i te ratapu e kore ratou 
e ata noho kia mutu te karakia ka
puta ai ki waho otiia e putaputa
tonu ana nga kaumatua me nga tamariki
tae noa ki te wakamutunga o te
karakiatanga, e mea ana taku wakaaro
i haere ratou ki te wakarongo i nga
kupu a te Atua. Ki te wakapai atu
hoki ki a ia mana atawainga, kua riro
mae, otiia na te hoa riri i wakararu o
ratou ngakau koia te ata noho ai, a
kihai i rite te mea i haere ai ratou ki roto
ki te ware karakia.
  NA TE KAI TITIRO.
 Pono rawa ta te kai titiro korero, kua
kite hoki matou tenei mahi,
he ,mea i mahara ratou ki te tapa o te
whare e tapoko ai e kore e pena.

(Ki te kai tuhituhi o te Karere o Nui Tireni.)

Nowema, 1843.
E HOA. he Waimate ahau e 
noho ana ka rongo i ahau tenei
tahi tangata te huihui ana ki te wawai mo
te tahi Hoiko he aha ianei te pai o te
Hoiho o te kau kia ratou tenei taima,
e atawai noa te tahi tangata i tana mea,
a ka kite tana wanaunga ka hae ka haere
ki te tango i ta tera tangata mana ahea ra
te tangata maori wakaaro ai ki te mahi i
tikanga, kia noho ai ratou i te
marietanga.
Na te kai wakarongo
KORERO.

(Ki te kai tuhituhi e te Karere o Nui Tireni 

E HOA. Tenei ano taku korero ki
a koe, kua oma etahi aku tamariki
Pakeha ki hea ranei ki hea ranei. E
mea ana ahau kei nga kainga maori e
noho ana ta te mea hoki, e kore e ora te
tangata i te nehenete me kahore he kai.
Mehemea e tika ana taku korero, e,
kei nga kainga maori, he ana ta te
tangata maori pupuri