hamu ai ratou, a tangi ana te hoki wainga
maara.
E hua ra ia i whakatika ai, ekore to ratou
papa e mahue ki te tangata, kai toa.
E hua raia, i whakatika ai ekore o
ratou upoko e whiwhi ki roto ki te 
mangemange me te tataramoa, kati ra mata.
E hua ratou i whakatika ai, ekore e
haere pakihoro kau ki waenga ngaherehere
Tenei to hanga.
E hua ratou i whakatika ai, ekore e 
pinene ki te poro auahi, me te ngetangeta,
me era atu taonga pakeha, kati koa
u ana.
A, e hua raia i whakatika ai ekore e
tangi mai i roto i te ururua kia tohungia
ratou. E tika raia e hamu, e te kai hamu
roi.
E koro e tai mahi nuipepa heoi ra
aku kapu atu ki a koe, kei hoha te
hunga titiro a ka whakahekia e ratou.
Tou hoa pumau, 
A PAI MAORI.
E tika ana ano u au e Pai kahore he
painga mo te hunga i whakatika noa ki te
whawhai, he mate, he rawakore te utu o
a ratou mahi kuare. Otira kaua e tawaia
tenei hunga tutu e taua, erangi kia tangi
taua mo te kino i whakatupuria e ratou e
te hunga karakia, ki tenei whenua. Kia
moi hoki taua mo ratou kia whakatitirotia
tikatia o ratou kanohi kua kekoa nei i te
mahi a Whiro. - Kai Tuhi.
HE MOE.
Moe iho au e noho ana i te ao wairua.
Noho nei, a ka whakatika ka haerere.
Kihai i roa taku haerenga ka kite atu ahau
i te ahi e paoa mai ana i tawhiti. Mea ana
au, ki au, he ahi hangi pea tera e ka mai
katahi pea, o reira tangata ka oho i te 
moe, ina hoki kiano te ra i kaha noa.
Ahu atu ana au ki taua paoa i kiteara e
ahau, tomo noa ki te ngahere, haerere
ana ahau i roto i te ngahere, a ka hehenoa
au, he ururua hoki taua wahi. He roa 
taku haerenga, kopiko mai kopiko atu, a,
kite noa i tetahi ara e maro ana. He ara
aha ra nei ina te whanui, hore he paru
hore he aha. Titiro ana ahau ki nga rakau
o tera kainga, tera ke ona rau te rere ke
na, me te Whau nei, kia nunui ia. Ko
nga hua o aua rakau i penei me te Puriri
e kainga ana ano e o reira tangata. Ka
mutu taku titiro ki nga rakau me etahi
atu mea ka aru ahau i te ara, a, roa noa
atu taku haerenga ka tae au ki te wai e rere
aua iti ake nei ano ka whhiti, haere tonu
tahuri ana au ki te titiro ki muri, kite noa
i tetahi kete kapana e takoto ana ki te
taha o te wai, he mea waruwaru etahi e
takoto pehu ana etahi, Ka mea ake ra au,
Nawai tenei kete kapana? He mea 
korero nui tenei kupu e ahau. Marere kau
ano enei kupu i aku ngatu ka aho mai te
tangata i tua i tetahi kohatu e piri ana, a
ka mea mai, Naku ena, i wehi au i taku
kitenga i a koe koia i whakarerea ai.
He pononga taua koroke ko Tokerau te
ingoa nana ano a Hongi i tiaki i tona
tunga ki Mangamuka.
Ka mea atu au. Kei hea te ara ki te
kainga? Ka mea mai Koia ano tena.
Kia oti aku mea te waruwaru makku koe e
arataki. Ka noho maua a oti noa nga
kapana o taku hoa te waru, ka haere
korero haere ana mana. Kaua atu au,
Kowai ma nga Rangatira o tenei Kainga?
Ka mea mai, Ko Hongi ra, Ko Titore ra,
ko Manu ra, kowai, kowai a ko Pumuka
raua ko Taurau nga mea tae hou mai.
Ka mea ake ano au, E Korerotia ana nga
Whainga o te ao e nga warua o tenei
kainga? Ka mea mai, E korerotia ana.
I te taenga mai o Titore, ka rongo matou
ki to raua Whainga ko Pomare, ko te Pa
i Otuihu, Hinga iho i reira ko Pi, i Waima
tona kainga, ko Te Mahurehure tona Iwi
ko Tetore i mate turoro, engari toku
Rangatira a Hongi na te pu, ite uma te mata
otiia he roa tana takanga ka mate. Ka
tae maua ki te kainga noho ana te runanga
hongi ana matou ka mutu, noho puku
ana. Ka hukea te hangi o te pononga
ka tatu nga mea ki a matou,
kotahi paro roroi i a maua ko Titore, he
tawatawa nga kinaki. Kai ana ka mutu.
Mutu kau ano te kai, ka parere te mangai 
o te ngoingoi, e karanga atu ana ki te
manuwhiri, Haere mai, ekoro, haere mai. 
Na , haere mai. Roaroa rawa iho ka